SANG KIPAT ZIA LEH KHANTOHNATE
2010 March 1 ni-in Siama 2 leh naupang 5 tawh kipan hi. A kipatcil in sang min dingin Alpha Education & Childcare kici hi. Siamah Liannu leh Siama Huaite in haksatna tuamtuam tampi tuak in hong makaih sak uh hi. Naupang a tam loh hangin a mun ding buaina tam veipi kituak ahih manin deih bangin nisim khasim in ki kah zo lo hi. Haksatna tuamtuam a om ciangin sang kikhak sak a, a lem ciangin kihong kik zel hi. Aminin sang kihong ahih hangin kum khat sung pen sang khak hun tam zaw hi.
Tua bang hamsatna phu kawmkawm mah in UNHCR pan theihmpihna laipi ngah theihna dingin lai kiten zelzel hi. 2010 September sungin UN te'n hong en ding cih thu a kizak ciangin ZAM zum a sem Sia Khampi'n nasepnate a tangzai zawk theihna dingin i sang min ki bangsak ni ci-in hong dotna tawh Zomi Education Center ci-in sang min kikhel hi. September ni 1 ni-in Ms Melanianne (Programme Assistant Education) sang ah hong hawh a, a kisam thu leh la teng a dot khit ciang Sia Khup (Head Teacher) tungmah UNHCR pan community sang khat a ciap tehna laipi pia hi.
2011 January 10 ni-in a kum nihna kihong kik a hunbit sia/siama 5 leh sang naupang 20 tawh kihong hi. Gambeel ih hih manin hong tung thak sangnaupangte kisang zel a, July kha ciang sangnaupang vekpi 33 pha ta hi. Sang kahna mun a kibat loh hangin gammite bangin sangnaupangte leh sia/siamate uniform nei in sang kikah sak zo hi.
SANG ADING KIPIAKKHIATNATE
1.ZCF pawlpi mi sung pan veina a neite in upna kamciam pia in hanciamna tawh
2.UNHCR-KL, SPIC, CBC pawlpi te leh mimal veina a neite
3.Sangkahna mun dingin CBC pawlpi te in a biakinn tung uh (Refreshment hall) tu ni ciang sum la lo in hong zangsak uhi.
4.Mary Cheong a kici CBC pawlpi mite khat in 2011 April-June kha bei dong kha 3 sung vilvel sum la lo in a mawtaw tawh sangnaupangte (Ferry) hong khak sak in hong dawn sak hi.
5.July kha a kipan mawtaw cupuh nu a lem nawn loh ciangin CBC pastor Alexa veina tawh a pawlpi mite sung pan sponsor hong ngah sak a, tatsatlo in mawtaw vai a lem suak hi.
6.Sente' Uncle Joseph a cihpa in zat theih liamliam ding computer 4 hong piakhia hi.
LAITAN KHEN ZIA
2.Pre-school-1 (5-6 yr)
3.Pre-school-2 (5-6yr)
4.Primary 1 (7-9 yr)
5.Primary 2 (10-12 yr)
